អាមេរិក ៖ នេះយោងតាមការចេញ ផ្សាយពីគេហទំព័រ MSNបានប្រាប់ឲ្យដឹងថា ក្រុមហ៊ុនបច្ចេកវិទ្យាយក្សអាមេរិក Microsoft (MS) ដែលកំពុងអនុវត្តយ៉ាង រហ័សនូវ AI ទូទៅដូចជា ChatGPT ទៅនឹងផលិតផលរបស់ខ្លួន ត្រូវបានគេរាយការណ៍ថា នឹងបង្ហាញបន្ទះឈីប AI បង្កើតដោយខ្លួនឯងនៅខែក្រោយ។
យោងតាមប្រព័ន្ធផ្សព្វផ្សាយ ព័ត៌មានវិទ្យា The Information ដែលបានដកស្រង់ពីអ្នកខាងក្នុង MS ថា គ្រោងនឹងបង្ហាញបន្ទះឈីប AI ដែលខ្លួនកំពុងអភិវឌ្ឍ ជាច្រើនឆ្នាំនៅសន្និសីទអ្នកអភិវឌ្ឍន៍ប្រចាំឆ្នាំ ‘Ignite Conference’ នាខែវិច្ឆិកា។ ពួកគេបានចេញផ្សាយបាយការណ៍នៅថ្ងៃទី ៧ (ម៉ោងក្នុងស្រុក) ។
MS រចនាបន្ទះឈីប AI របស់ខ្លួនដើម្បីបណ្តុះបណ្តាល និងដំណើរការគំរូ ភាសាខ្នាតធំ (LLMs) ជាបច្ចេកវិទ្យាមូលដ្ឋាននៃ AI ជំនាន់ថ្មីនៅលើម៉ាស៊ីនមេ នៃមជ្ឈមណ្ឌលទិន្នន័យ ដូចជា Nvidia រចនាឯកតាដំណើរការក្រាហ្វិក (GPUs) របស់វា ។ កាលពីដើមខែមេសា ប្រព័ន្ធផ្សព្វផ្សាយដូចគ្នា បានរាយការណ៍ថា MS បាន នឹងកំពុងអភិវឌ្ឍបន្ទះឈីប AI ក្រោមលេខកូដ ‘Athena’ ចាប់តាំងពីឆ្នាំ ២០១៩ ។
តាមរយៈការអភិវឌ្ឍន៍បន្ទះឈីប ដោយខ្លួនឯង MS សង្ឃឹមថា នឹងកាត់បន្ថយការពឹងផ្អែកលើ Nvidia និងកាត់បន្ថយការខ្វះខាតការផ្គត់ផ្គង់យ៉ាងខ្លាំង។ បច្ចុប្បន្ននេះ Nvidia កាន់កាប់ជាង ៨០ ភាគរយ នៃទីផ្សារបន្ទះឈីប AI សកលសម្រាប់ការបណ្តុះបណ្តាល AI ជំនាន់ ហើយការផ្គត់ផ្គង់ គឺខ្លីណាស់បើប្រៀបធៀប ទៅនឹងតម្រូវការ។ បន្ទះឈីប AI ចុងក្រោយបង្អស់របស់ Nvidia គឺ H100 មានតម្លៃ ៣០,០០០ដុល្លារក្នុងមួយឯកតា ហើយមនុស្សរាប់ពាន់នាក់ប្រើវា ដើម្បីដំណើរការគំរូភាសាខ្នាតធំ ។
កាលពីមុន របាយការណ៍ បានស្នើថា OpenAI ជាអ្នកបង្កើត ChatGPT កំពុងពិចារណាលើការអភិវឌ្ឍន៍បន្ទះឈីប AI របស់ខ្លួន ដែលបង្កើនការរំពឹងទុក សម្រាប់ការប្រកួតប្រជែងកាន់តែខ្លាំង នៅក្នុងការអភិវឌ្ឍន៍បន្ទះឈីប AI ៕
ដោយ៖លី ភីលីព
