Tesla បានប្រកាសចេញលក់ Cybertruck ហើយបន្ទាប់ពីអាកខានប៉ុន្មានឆ្នាំមក ។ វាជារថយន្តដ៏ល្បីល្បាញខ្លាំងបំផុត មិនតែប៉ុណ្ណោះ សូម្បីតែនាយករដ្ឋមន្រ្តីថៃ លោក ស្រេតថា ថាវីស៊ីន ក៏បានឡើងឈរលើ រថយន្តអគ្គិសនីនេះដើម្បីថតទៀតផង។
![](https://lookingtoday.com/wp-content/uploads/2023/12/656d89c5c3d5c_1701677460_large.jpg)
គួរដឹងថា កាលពីពាក់កណ្តាលខែវិច្ឆិកា កន្លងទៅនេះ លោក ស្រេតថា បានធ្វើទស្សនកិច្ចនៅរោងចក្ររបស់ Tesla ក្នុងអំឡុងពេលលោកទៅចូលរួមកិច្ចប្រជុំ APEC នៅសហរដ្ឋអមេរិក។ ពេលនោះ លោកបានចាប់អារម្មណ៍ ជាខ្លាំងលើរថយន្ត Cybertruck ដោយបានឈរថត និងជិះសាកល្បងទៀតផង។
![](https://lookingtoday.com/wp-content/uploads/2023/12/656d89c7309da_1701677460_large-1024x558.jpg)
លោកថែមទាំងបានដឹងទៀតថា រថយន្ត Cybertruck ជាង ២លានគ្រឿង ត្រូវបានគេកក់អស់ ពោលគឺជារថយន្តដែលទទួលបានការកក់ច្រើនជាងគេបង្អស់ក្នុង ចំណោមរថយន្តនានារបស់ Tesla។
រដ្ឋាភិបាលរបស់លោកស្រេតថា បាននឹងកំពុងខិតខំអូសទាញក្រុមហ៊ុន Tesla ឱ្យមកវិនិយោគក្នុងប្រទេសថៃ។ ក្នុងជំនួបជាមួយក្រុមហ៊ុន Tesla ២ដងនេះ ក្នុងនោះលើកទី១ លោកបានជួបពិភាក្សាផ្ទាល់ ជាមួយលោក Elon Musk និងលើកទី២ ជួបពិភាក្សាជាមួយមន្រ្តីជាន់ខ្ពស់ Tesla។
![](https://lookingtoday.com/wp-content/uploads/2023/12/656d89c8e7d95_1701677460_large-1024x682.jpg)
គួរកត់សម្គាល់ដែរថា នៅលើវេបសាយ Tesla ប្រចាំប្រទេសថៃ បានបង្ហាញពីតម្លៃរបស់រថយន្ត Cybertruck ពោលគឺវានឹងមានវត្តមាននៅលើទឹកដីថៃជាមិនខាន។ ក្នុងនោះ មាន ៣option សម្រាប់ជ្រើសរើស គឺជម្រើសប្រើប៉ុងក្រោយ (RWD) តម្លៃខ្ទង់ ៦ម៉ឺនដុល្លារ, ជម្រើសប៉ុង២ បំពាក់ម៉ូទ័រអគ្គិសនី២ តម្លៃជាង ៧ម៉ឺន ៩ពាន់ដុល្លារ និងជម្រើស Cyberbeast ប៉ុង២ តម្លៃជាង ៩ម៉ឺន ៩ពាន់ដុល្លារ។ តម្លៃនេះ មិនទាន់បូកបញ្ចូលពន្ធនាំចូលក្នុងប្រទេសថៃនៅឡើយទេ ៕
![](https://lookingtoday.com/wp-content/uploads/2023/12/656d89c6bf21b_1701677460_large.jpg)
![](https://lookingtoday.com/wp-content/uploads/2020/08/1-2.png)