បរទេស ៖ យោងតាមការចេញផ្សាយរបស់ RT នាយកប្រតិបត្តិក្រុមហ៊ុន Tesla និង SpaceX លោក Elon Musk បានបង្ហាញនូវការយល់ឃើញថា ការដួលរលំនៃសហភាព សូវៀត វាគួរតែបានធ្វើឲ្យអង្គការណាតូ បានបាត់បង់ហេតុផល ដើម្បីបន្តប្រតិបត្តិការ ប៉ុន្តែបានសម្រេចចិត្តចាប់ផ្តើម ការពង្រីកដើម្បីបំពេញ ចន្លោះទទេទៅវិញ។
សរសេរនៅលើបណ្តាញសង្គម X កាលពីថ្ងៃសៅរ៍ ដោយអ្នកជំនាញម្នាក់ថា នៅក្នុងទសវត្សរ៍ឆ្នាំ ១៩៩០ ណាតូបានបាត់បង់ គូប្រជែងដែលប្រៀបធៀបទៅនឹង សហភាពសូវៀតទៀតហើយ ទោះជាយ៉ាងណាក៏ដោយ ជាជាងការរំសាយក្រុម ណាតូបែរជាបានកើតឡើងជាមួយ នឹងបេសកកម្មថ្មីមួយ គឺដើម្បីពង្រីកខ្លួននៅអឺរ៉ុបទៅវិញ។
រំលឹកឡើងវិញដែរថាចាប់តាំងពី ទសវត្សរ៍ឆ្នាំ ១៩៩០ មក ប្លុកនេះត្រូវបាន ចូលរួមដោយបណ្តា ប្រទេសមួយចំនួន នៅអឺរ៉ុបខាងកើត ដែលធ្លាប់ជាផ្នែក នៃកតិកាសញ្ញា Warsaw ដែលចូលបក្សសម្ព័ន្ធសូវៀត ក៏ដូចជារដ្ឋបាល់ទិក និងបណ្តាប្រទេសបាល់កង់ ជាច្រើន។
បន្ទាប់ពីការចាប់ផ្តើម នៃជម្លោះអ៊ុយក្រែន ហ្វាំងឡង់ក៏បានក្លាយ ជាផ្នែកនៃសម្ព័ន្ធភាពផងដែរ ដោយស៊ុយអែតបានត្រៀម ខ្លួនដើម្បីធ្វើតាមទោះបីជាប្រទេសរុស្ស៊ី បានតវ៉ាម្តងហើយម្តងទៀត ប្រឆាំងនឹងការពង្រីកអង្គការណាតូ ដោយមើលឃើញថាវាជាការគំរាមកំហែង សន្តិសុខជាតិក្តី ។
គួរឲ្យដឹងដែរថាអ៊ុយក្រែនបានដាក់ពាក្យចូ លជាសមាជិកអង្គការអូតង់ ជាផ្លូវការនៅរដូវស្លឹកឈើជ្រុះឆ្នាំ២០២២ បន្ទាប់ពីតំបន់ចំនួនបួននៃអតីតតំបន់របស់ខ្លួន បានបោះឆ្នោតគាំទ្រ ឱ្យក្លាយជាផ្នែកមួយ របស់រុស្ស៊ីតែ ទោះបីជាយ៉ាងណាក៏ដោយ អគ្គលេខាធិការអង្គការណាតូ លោក Jens Stoltenberg បាននិយាយថា ក្រុងកៀវមិនអាចចូលរួមបានទេ រហូតដល់ស្ថានភាពបច្ចុប្បន្នត្រូវ បានដោះស្រាយជាមុនសិន៕
ប្រែសម្រួល៖ស៊ុនលី
