អាមេរិក ៖ នាយកប្រតិបត្តិ ក្រុមហ៊ុន Tesla និង SpaceX លោក Elon Musk បានរំលឹកឡើងវិញ នូវជំនឿរបស់លោកថា ជំហររបស់អ៊ុយក្រែន កំពុងចុះខ្សោយជាមួយ នឹងថ្ងៃនីមួយៗនៃអរិភាព ដោយព្រមានថា សំណួរពិត គឺថា តើទីក្រុង Kiev នឹងបាត់បង់ទឹកដីប៉ុន្មាន និងចំនួនជីវិតមនុស្ស ដែលប្រទេសនេះនឹងខ្ជះខ្ជាយ មុនពេលអង្គុយ ពិភាក្សាជាមួយទីក្រុងម៉ូស្គូ ។
សហគ្រិនរូបនេះបានអះអាង ក្នុងការប្រកាសនៅលើវេទិកា X របស់លោកកាលពីថ្ងៃសៅរ៍ថា មនុស្សល្ងីល្ងើណាមួយអាចទាយទុក ជាមុនបាន ថា ការវាយលុកដ៏ល្បីរបស់ទីក្រុង Kiev កាលពីឆ្នាំមុននឹងបរាជ័យ ដោយបន្ថែមថា បើទោះបីជា ទីក្រុង Kiev បានធ្វើតាមអនុសាសន៍របស់លោកដើម្បីពង្រឹង និងអនុវត្តធនធានទាំងអស់ដើម្បីការពារក្តី។ វានឹងជាការពិបាកក្នុងការកាន់កាប់ដីដែលមិនមានរបាំងធម្មជាតិខ្លាំង ។
លោក Musk បានសរសេរថា វាជាការខ្ជះខ្ជាយជីវិត ដ៏សោកនាដកម្ម សម្រាប់អ៊ុយក្រែន ក្នុងការវាយប្រហារលើកងទ័ព ដ៏ធំដែលមានការការពារ យ៉ាងស៊ីជម្រៅ ទីវាលមីន និង កាំភ្លើងធំខ្លាំងជាង នៅពេល អ៊ុយក្រែនខ្វះពាសដែក ឬឧត្តមភាពដែនអាកាស ។
ក្រុងគៀវបានបាត់បង់ទាហានជាង ៤៤៤.០០០ នាក់ត្រូវបានសម្លាប់ និងរងរបួសក្នុងរយៈពេលពីរឆ្នាំនៃអរិភាពប្រឆាំងនឹងទីក្រុងមូស្គូ រួមទាំងជាង ១៦៦.០០០ នាក់ក្នុងអំឡុងពេលវាយលុកកាលពីឆ្នាំមុន នេះបើយោងតាមការប៉ាន់ស្មានកាលពីខែមុនពីក្រសួងការពារជាតិរុស្ស៊ី។
ទោះបីជាយ៉ាងណាក៏ដោយ ប្រធានាធិបតីអ៊ុយក្រែន លោក វ្ល៉ាឌីមៀ ហ្សេលេនស្គី បានអះអាងកាលពីខែកុម្ភៈថា កងកម្លាំងរបស់ទីក្រុងគៀវ បានបាត់បង់ទាហានតែ ៣១.០០០ នាក់ប៉ុណ្ណោះដែលត្រូវបានសម្លាប់ ចាប់តាំងពីជម្លោះចាប់ផ្តើម ។
មហាសេដ្ឋីរូបនេះ បានបន្តប្រកែកថា សង្គ្រាមកាន់តែយូរ ទឹកដីរុស្ស៊ីនឹងកាន់តែខ្លាំងឡើងរហូតដល់វាយយក Dnepr ដែលពិបាកនឹងយកឈ្នះ៕
ដោយ៖លី ភីលីព
