អាមេរិក៖យោងតាមការចេញផ្សាយ ពីគេហទំព័រស្គាយញ៉ូវបានប្រាប់ឲ្យដឹងថា របកគំហើញនេះបង្ហាញពីព័ត៌មានលម្អិតថ្មី អំពីរបៀបដែលកំពូលយក្សក្រហមវិវត្តន៍មុនពេលទៅ Supernova អាចធ្វើឲ្យតារាវិទូ រកឃើញពួកវានាពេលអនាគត។
តារាវិទូបានថតរូបគ្រាចុងក្រោយបង្អស់ ក្នុងជីវិតរបស់ផ្កាយយក្សក្រហម ជាលើកដំបូង។ វាត្រូវបានគេប្រទះឃើញត្រឹមតែ ១៣០ ថ្ងៃប៉ុណ្ណោះ មុនពេលផ្ទុះដោយប្រើតេឡេស្កុបចំនួន២ នៅរដ្ឋហាវ៉ៃ ដែលធ្វើឲ្យអ្នកស្រាវជ្រាវមួយក្រុម ធ្វើការស្ទាបស្ទង់មើលវា មុនពេលវាបំផ្ទុះនៅក្នុង Supernova ដ៏ធំសម្បើមមួយ។
លោកវេជ្ជបណ្ឌិត Wynn Jacobson-Galán អ្នកដឹកនាំការស្រាវជ្រាវបាននិយាយថា នេះគឺជារបកគំហើញមួយ នៃការយល់ដឹងរបស់យើងអំពីអ្វីដែលផ្កាយដ៏ធំធ្វើភ្លាមៗមុនពេលពួកគេស្លាប់។ ការរកឃើញដោយផ្ទាល់នៃសកម្មភាពមុន Supernova ក្នុងផ្កាយ Supergiant ពណ៌ក្រហមមិនត្រូវបានគេសង្កេតឃើញពីមុននៅក្នុង Type II supernova ធម្មតា៕ ដោយ៖លី ភីលីព
