កូរ៉េខាងត្បូង៖ នៅថ្ងៃទី ៨ ខែកុម្ភៈ ផលិតកម្ម MLD Entertainment បានចេញសេចក្តីថ្លែងការណ៍ផ្លូវការមួយ ដោយប្រកាសថា សមាជិកក្រុម T1419 លោក Sian បានជាសះស្បើយពីជំងឺ COVID-19 ជាផ្លូវការទំាងស្រុង និងចូលរួមសកម្មភាពផ្សេងៗ បានបើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop ។
សេចក្តីថ្លែងការណ៍ផ្លូវការរបស់ MLD Entertainmentថា សមាជិក T1419 លោក Sian បានទទួលការជូនដំណឹង អំពីការជាសះស្បើយរបស់លោកពី COVID-19 នៅថ្ងៃទី ៨ ខែកុម្ភៈ ហើយត្រូវបានដោះលែង ពីការដាក់ឲ្យនៅដាច់ដោយឡែក។
លើសពីនេះទៀតសមាជិក T1419 ទាំង៨បានទទួលលទ្ធផលអវិជ្ជមាន លើការធ្វើតេស្តិ៍ PCR ត្រឡប់មកវិញនៅថ្ងៃទី ៣ ខែកុម្ភៈ ហើយបានចាត់វិធានការចាំបាច់ទាំងអស់ ស្របតាមការណែនាំ របស់អាជ្ញាធរសុខាភិបាល។
សូមអរគុណដល់អ្នកគាំទ្រទាំងអស់ ដែលព្រួយបារម្ភចំពោះT1419 ហើយយើងនឹងបន្តប្រឹងប្រែង ឲ្យអស់ពីសមត្ថភាព ដើម្បីធានាដល់សុខភាព និងសុវត្ថិភាពសិល្បកររបស់យើង ដោយអនុវត្តតាមការណែនាំ អំពីការដាក់ឲ្យនៅដាច់ពីគេ របស់អាជ្ញាធរសុខាភិបាល៕ ដោយ៖លី ភីលីព
