ជប៉ុន៖ យោងតាមការ ចេញផ្សាយពីគេហទំព័រ VN Express បានប្រាប់ឲ្យដឹងថា លោកស្រីនាយករដ្ឋមន្ត្រី Sanae Takaichi បានសន្យាថានឹងលុបបំបាត់អំពើពេស្យាចារ ពាក់ព័ន្ធនឹងស្ត្រីជប៉ុនដែលកំណត់គោលដៅ លើភ្ញៀវទេសចរបរទេស បន្ទាប់ពីប្រទេសជប៉ុន ទើបតែដាក់ឈ្មោះលើចំណងជើង សារព័ត៌បរទេសថា ជា “ប្រទេសទេសចរណ៍ផ្លូវភេទថ្មី”។
នេះបើយោងតាមរបាយការណ៍ របស់គេហទំព័រព័ត៌មាន Sankei Shimbun ថា លោកស្រី Takaichi បាននិយាយក្នុងអំឡុងពេលសម័យប្រជុំ សំណួរក្នុងកិច្ចប្រជុំពេញអង្គរបស់សភានៅថ្ងៃទី ៦ ខែវិច្ឆិកាថា ការកើនឡើងនៃភ្ញៀវទេសចរបរទេស ដែលប្រព្រឹត្តអំពើពេស្យាចារលើ ស្ត្រីជប៉ុននៅទីក្រុងតូក្យូ ជាពិសេសនៅ Kabukicho គឺជាការព្រួយបារម្ភយ៉ាងខ្លាំង ។
នេះបើយោងតាមរបាយការណ៍របស់ Japan Today បានចេញផ្សាយថា កាលពីខែកក្កដា ស្ត្រី ៤ នាក់ត្រូវបានចាប់ខ្លួននៅ ស្រុក Kabukicho ពីបទលួងលោមភ្ញៀវទេសចរបរទេស ឲ្យប្រព្រឹត្តអំពើពេស្យាចារ។
នេះបើយោងតាមរបាយការណ៍របស់ Chosun Biz បាននិយាយថា សមាជិកសភា Shioumura Fumika បានលើកឡើងពីរបាយការណ៍ព័ត៌មានបរទេស ដែលដាក់ឈ្មោះប្រទេសជប៉ុនថាជា “ប្រទេសទេសចរណ៍ផ្លូវភេទថ្មី” ដោយបន្ថែមថា រូបភាពរបស់ប្រទេសជប៉ុន ជាប្រទេសដែលមិនការពារសេចក្តីថ្លៃថ្នូរ របស់ស្ត្រីកំពុងរីករាលដាលជាអន្តរជាតិ៕
