នៅទីបំផុត ក្រុមហ៊ុន BMW បានប្រកាសចេញរថយន្តអគ្គិសនី i4 ស៊េរីថ្មីរបស់ខ្លួនជាផ្លូវការ ដែលមានតួខ្លួនជាប្រភេទ Coupe ទ្វារ៤ ដើម្បីប្រជែងនឹង Tesla Model 3។
គ្រាន់តែក្រឡេកឃើញមួយភ្លែត អ្នកក៏អាចដឹងបានដែរថា រថយន្ត BMW i4 ទទួលបានការឌីហ្សាញ និងរូបរាងកាត់តាមម៉ូដែល BMW iX និង BMW 4-Series។
យោងតាមក្រុមហ៊ុន BMW បានឲ្យដឹងថា រថយន្ត i4 នឹងចេញលក់នៅចុងឆ្នាំ ២០២១ នេះ ជាមួយនឹងជម្រើសកម្លាំង និងចម្ងាយបើកបរជាច្រើន ដោយក្នុងនោះប្រភេទខ្លាំងបំផុត គឺ ៥២៣សេះ ហើយអាចបើកបរបានចម្ងាយដល់ ៥៩០គីឡូម៉ែត្រ នៅពេលសាកភ្លើងពេញម្តង។
ទោះជាយ៉ាងណាក៏ដោយ ក្រុមហ៊ុន BMW មិនទាន់បានបង្ហាញឲ្យឃើញនូវកាប៊ីនខាងក្នុងរបស់វានៅឡើយទេ ប៉ុន្តែតាមរយៈការឌីហ្សាញរូបរាងខាងក្រៅកាត់តាមម៉ូដែល 4-Series ដូច្នេះគេរំពឹងថាតាប្លូខាងក្នុងក៏ស្រដៀងនឹង 4-Series ដែរ។
យ៉ាងណាមិញ អ្វីដែលពិសេសនោះគឺ វានឹងបំពាក់ប្រព័ន្ធកម្សាន្ត iDrive 8 ដែលទទួលបានការឌីហ្សាញ Interface ថ្មី លើអេក្រង់ Touchscreen ទំហំ ១៤,៩អ៊ីញ និងកុងទ័រជីឌីថលទំហំ ១២,៣អ៊ីញ ទៀតផង៕
