ក្រុម PSG បានទម្លាក់ក្រុម Bayern Munich ពីក្របខណ្ឌ UEFA Champions League ហើយ បើទោះជាចាញ់ ០-១ នៅជើងទី២ក៏ដោយ ព្រោះជើងទី១ ពួកគេឈ្នះក្នុងលទ្ធផល ២-៣។
សម្រាប់ការប្រកួតនៅយប់មិញនេះដែរ បើទោះជានៅក្នុងដីរបស់ក្រុម PSG មែន ប៉ុន្តែក្រុម Bayern Munich ក៏ធ្វើបានល្អដែរ។ ពួកគេរកគ្រាប់បាល់បាននៅនាទី៤០ ដោយ Moting ។ យ៉ាងណាមិញ ដោយសារតែរកបានតែ១គ្រាប់នេះហើយ ទើបបានជាក្រុម Bayern Munich មិនអាចឡើងវគ្គបន្ដបានទេ ព្រោះក្នុងដីខ្លួនឯង ពួកគេចាញ់ PSG ២-៣ ទៅហើយនោះ។
ក្រោយពី PSG យកឈ្នះ Bayern Munich បាន ខ្សែប្រយុទ្ធ Neymar រំភើបចិត្តខ្លាំងមែនទែន ដោយសឹងតែស្រក់ទឹកភ្នែកទៅហើយ។ នេះជាការសងសឹកបានវិញរបស់ PSG ព្រោះឆ្នាំមុនវគ្គផ្ដាច់ព្រ័ត្រពួកគេបរាជ័យក្រោមថ្វីជើងក្រុមរបស់លោក Flick នេះឯង បាត់ឱកាសយកពាន UCL ៕
