កាលីហ្វ័រញ៉ា ៖ មនុស្សវ័យចំណាស់ ដែលប្រើថ្នាំបន្ថយសម្ពាធឈាម ប្រភេទខ្លះមានអត្រា នៃការចងចាំល្អប្រសើរ ជាងមុនដោយណែនាំថា វាអាចត្រូវបានប្រើ ដើម្បីបន្ថយការចងចាំយឺត នេះបើយោងតាមការ ចេញផ្សាយពីគេហទំព័រ ឌៀលីម៉ែល ។
ក្រុមអ្នកស្រាវជ្រាវ បានរកឃើញថា ការព្យាបាលមនុស្ស ដែលមានអាយុលើសពី ៥០ ឆ្នាំ ដោយប្រើថ្នាទប់អរម៉ូន angiotensin II ដូចជា candesartan និង irbesartan ក៏ដូចជាថ្នាំ ACE inhibitors ដូចជា Ramipril និង Lisinopril កាត់បន្ថយការថយចុះ ការយល់ដឹងពី ១៩ ភាគរយ ។
នេះបើយោងតាមអ្នកជំនាញ នៅសាកលវិទ្យាល័យកាលីហ្វ័រញ៉ាថា ជំងឺលើសឈាម គឺជាកត្តាហានិភ័យ នៃការថយចុះការចងចាំ និងជំងឺវង្វេង ចំពោះមនុស្សវ័យចំណាស់ ។
វាត្រូវបានគេប៉ាន់ស្មានថា ប្រហែលមួយក្នុងចំណោម៣នាក់ នៃមនុស្សពេញវ័យនៅចក្រភពអង់គ្លេស មានជំងឺលើសឈាម ហើយការសិក្សា បានបង្ហាញថា ការព្យាបាលវាជាមួយ នឹងថ្នាំមួយចំនួនក៏អាចធ្វើអោយ ការចងចាំប្រសើរឡើងដែរ ។
ថ្នាំប្រភេទនីមួយៗដើរតួ តាមវិធីផ្សេង ដើម្បីកាត់បន្ថយ សម្ពាធឈាមដោយអ្នកខ្លះឆ្លង កាត់របាំងខួរក្បាល ឈាមនិងប៉ះពាល់ដល់មុខងារនៃការយល់ដឹង។
អ្នកស្ម័គ្រចិត្តក្នុងការសិក្សា ពាក់ព័ន្ធនឹងមនុស្ស ពេញវ័យចំនួន ១២.៥០០ នាក់មាន អាយុ លើសពី ៥០ ឆ្នាំ ដែលបានលេបថ្នាំឆ្លងកាត់របាំង ខួរក្បាលមានកម្រិត នៃការយកចិត្តទុកដាក់ប្រសើរ ជាងមុននៅ៣ឆ្នាំក្រោយ ។ ថ្នាំទប់ស្កាត់ការកន្ត្រាក់ថ្នាំ Angiotensin-converting-enzyme (ACE), ថ្នាំទប់អរម៉ូន angiotensin II (ARBs), ឆានែលកាល់ស្យូម និងថ្នាំបញ្ចុះទឹកនោម គឺជាប្រភេទថ្នាំបញ្ចុះ សម្ពាធឈាមខុស ៗ គ្នាដែលត្រូវបានប្រើ ជាទូទៅលើអ្នកជំងឺ ៕ដោយ៖លី ភីលីព
