ឡុង៖ការស្រាវជ្រាវបានរកឃើញថា មនុស្សមានភាពរហ័ស រហួនក្នុងការសន្និដ្ឋានអាក្រក់បំផុត នៅពេលដែលពួកគេមាន ភាពតានតឹងទោះបីជាវាផ្អែកលើភស្តុតាង ខ្សោយក៏ដោយ នេះបើយោងតាមការចេញផ្សាយពីគេហទំព័រឌៀលីម៉ែល។
អ្នកជំនាញនៅសាកលវិទ្យាល័យ College London (UCL) បានរកឃើញថា នៅពេលមនុស្សស្ថិតក្នុងភាពតានតឹង ពួកគេឈានដល់ការសន្និដ្ឋានដែលមិនចង់បានដោយផ្អែកលើភស្តុតាងខ្សោយជាងពេលសម្រាក។ ការពិសោធន៍អ្នកចូលរួមកំពុងប្រមើលមើលព្រឹត្តិការណ៍ស្ត្រេសបានបង្កើនការយកចិត្តទុកដាក់របស់ ពួកគេចំពោះការជម្រុញអវិជ្ជមាននៅក្នុងការងារកុំព្យូទ័រ។
ការស្រាវជ្រាវបានបង្ហាញថា ភាពតានតឹងអាចធ្វើឲ្យមនុស្សងាយ សន្និដ្ឋានសេណារីយ៉ូដ៏អាក្រក់បំផុតគឺជាការពិត។ អ្នកស្រាវជ្រាវលោកសាស្ត្រាចារ្យ Tali Sharot នៅ UCL បាននិយាយថា ជម្រើសដ៏សំខាន់បំផុតជាច្រើន ដែលអ្នកនឹងធ្វើចាប់ពីការសម្រេចចិត្តផ្នែកហិរញ្ញវត្ថុរហូតដល់ជម្រើសវេជ្ជសាស្ត្រ និងវិជ្ជាជីវៈនឹងកើតឡើងនៅពេលអ្នកមានអារម្មណ៍តានតឹង។
ជារឿយៗការសម្រេចចិត្តទាំងនេះតម្រូវឲ្យអ្នកប្រមូលព័ត៌មាន និងថ្លឹងថ្លែងភស្តុតាងជាមុនសិន។ឧទាហរណ៍អ្នកអាចពិគ្រោះ ជាមួយគ្រូពេទ្យជាច្រើនមុននឹងសម្រេចចិត្តជ្រើស រើសវិធីព្យាបាលល្អបំផុត៕