ក្រុមហ៊ុនបានប្រកាស នៅថ្ងៃពុធនេះថា ការដេញថ្លៃតាមអ៊ីនធើណេត ចាប់ផ្តើមពីថ្ងៃនេះ សម្រាប់កៅអីតែមួយ នៅលើជើងហោះហើរដឹកអ្នកដំណើរ ដំបូងក្រុមហ៊ុន Blue Origin របស់លោក Jeff Bezos ទៅកាន់អាកាសនៅលើអវកាស ជាមួយគ្រាប់រ៉ុក្កែត New Shepard នៅថ្ងៃទី ២០ ខែកក្កដាខាងមុខ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមហ៊ុនអាកាសចរណ៍ កំពុងធ្វើការដេញថ្លៃតាមប្រព័ន្ធអ៊ីនធើណេត សម្រាប់កៅអីមួយ នៅលើរ៉ុក្កែត New Shepard របស់ខ្លួនក្នុងនោះនឹងត្រូវប្រគល់ ជូនអ្នកដេញថ្លៃខ្ពស់បំផុត ។ ការដេញថ្លៃចាប់ផ្តើមនៅថ្ងៃនេះ ជាមួយនឹងការដេញថ្លៃបិទជិត រហូតដល់ថ្ងៃទី ១៩ ខែឧសភា បន្ទាប់មកនឹងបង្ហាញរាល់ការ ដេញថ្លៃតាមអ៊ីនធើណេត និងអនុញ្ញាតឲ្យអ្នកផ្សេងដេញ ថ្លៃបានខ្ពស់បំផុត ។
ហើយនៅថ្ងៃទី ១២ ខែមិថុនាការដេញថ្លៃបន្តផ្ទាល់ នឹងត្រូវធ្វើឡើងដើម្បីកំណត់អ្នកឈ្នះចុងក្រោយ ។ ក្រុមហ៊ុន Blue Origin បានចែករម្លែកនៅក្នុង សេចក្តីប្រកាសថា យើងកំពុងផ្តល់ជូន កៅអីមួយ នៅលើជើងហោះហើរដំបូងនេះ ទៅកាន់អ្នកដេញថ្លៃដែលឈ្នះការដេញថ្លៃ តាមអ៊ីនធើណេតរបស់ Blue Origin ។
ចំនួនទឹកប្រាក់ដេញថ្លៃដែលឈ្នះ នឹងត្រូវបានបរិច្ចាគដល់មូលនិធិ Blue Origin Club for the Future ដើម្បីជំរុញដល់មនុស្សជំនាន់ក្រោយ ដើម្បីស្វែងរកអាជីពនៅ STEM និង ជួយបង្កើតជីវិត នាពេលអនាគតក្នុងលំហ ។ Blue Originក៏ត្រូវបាន ដាក់ឈ្មោះដំណើរ លើកដំបូងរបស់ខ្លួន បន្ទាប់ពីអវកាសយានិក Alan Shepard ជាជនជាតិអាមេរិកដំបូង បានហោះចូលទៅក្នុង អវកាសកាលពី ៦០ ឆ្នាំមុន ៕
