បរទេស៖ មន្រ្តីទូតរបស់អង្គការសហប្រជាជាតិ ប្រចាំប្រទេសអាហ្វហ្គានីស្ថាន បានព្រមានថា ក្រុមភេរវកររដ្ឋឥស្លាមកំពុងសម្រុកទៅមុខទូទាំង ប្រទេសអាហ្វហ្គានីស្ថាន ដោយបង្កើតតំបន់កាន់កាប់ខ្លួនឯង “ស្ទើរតែទាំងអស់” នៅក្នុងខេត្តរបស់ខ្លួន ខណៈដែលការកើនឡើង នៃការវាយប្រហារច្រើនជាង 5 ដងកាលពីឆ្នាំមុន។
យោងតាមសារព័ត៌មាន RT ចេញផ្សាយនៅថ្ងៃទី១៨ ខែវិច្ឆិកា ឆ្នាំ២០២១ បានឱ្យដឹងថា ថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃពុធ តំណាងពិសេសរបស់ស្ថាប័នសម្រាប់អាហ្វហ្គានីស្ថាន លោកស្រី Deborah Lyons បាននិយាយ អំពីក្រុមរដ្ឋឥស្លាមដ៏សំខាន់ (IS ដែលពីមុនជា ISIS) បានរីកដុះដាលពេញប្រទេស ដែលហែកហួរដោយសង្រ្គាមមួយនេះ ដោយអះអាងថា ឥឡូវនេះក្រុមជីហាដបានពង្រីកទូទាំងប្រទេស។
លោកស្រី Lyons បាននិយាយដោយសំដៅទៅលើក្រុម ‘Khorasan’ ដែលមានមូលដ្ឋាន នៅអាហ្វហ្គានីស្ថានថា “នៅពេលដែលកំណត់ ទៅខេត្តមួយចំនួន និងរដ្ឋធានី ឥឡូវនេះ ISKP ហាក់ដូចជាមានវត្តមាន នៅក្នុងខេត្តស្ទើរតែទាំងអស់ ហើយកាន់តែសកម្ម” ។
លោកស្រីបានបន្ថែមថា រហូតមកដល់ពេលនេះក្នុងឆ្នាំ ២០២១ ក្រុម IS បានធ្វើការវាយប្រហារចំនួន ៣៣៤ លើកដែលកើនឡើងត្រឹមតែ ៦០ លើកកាលពីឆ្នាំមុន៕ ប្រែសម្រួលៈ ណៃ តុលា
