ព័ត៌មានអន្តរជាតិ

អ្នកចិញ្ចឹមហ៊ែ​មស្ទឺ (Hamster) ប្រយ័ត្នផង! នៅហុងកុង សត្វនេះត្រូវបានរកឃើញថា អាចចម្លងកូវីដ១៩

ប៉ូលិស​ហុងកុង​បានរឹបអូស​ សត្វ​កណ្តុរ​ចិញ្ចឹម​ហ៊ែ​មស្ទឺ (Hamster) ពីប្រជាជនយក​ទៅ​សម្លាប់​ ឬ​ព្រលែង​​ចោល ដើម្បី​ទប់ស្កាត់​ការឆ្លង​វីរុស​កូវីដ១៩។​

​គិតមកទល់ពេលនេះ កណ្តុរ​ហ៊ែ​ម​ស្ទឺ​ប្រមាណ​ ២ពាន់ក្បាល​ត្រូវបានសម្លាប់ ដោយប្រមូល​មក​ពី​ហាង​លក់​ សត្វ​ចិញ្ចឹម​ក្រោយ​ការតាមដាន​ការផ្ទុះកូ​វីដ​១៩ មួយ​បាន​រកឃើញ​ថា​កម្មករ​ម្នាក់​​ធ្វើការ​នៅ​ហាង​លក់ សត្វ​ចិញ្ចឹម​មួយ​បាន​ឆ្លងកូវី​ដ។​ ការធ្វើ​តេស្តិ៍​ក្រោយមក​បាន​រកឃើញថា សត្វ​កណ្តុរ​ចិញ្ចឹម​ ១១​ក្បាល​ឆ្លងកូវី​ដ​១៩​។​

ក្នុងករណីប្រជាពលរដ្ឋ​ហុងកុង​មិនសហការ និងរឹងទទឹងពួកគេនឹង ប្រឈមមុខចំពោះផ្លូវច្បាប់។ ក្រៅពីហ៊ែមស្ទឺ អាជ្ញាធរក៏​បាន​ធ្វើតេស្តិ៍​លើសត្វ​ទន្សាយ​ និង​កណ្តុរ​ Chinchilla ផងដែរ​ប៉ុន្តែមាន​តែ​កណ្តុរ​ហ៊ែ​ម​ស្ទឺ ​ប៉ុណ្ណោះ​ដែល​ឆ្លង​រោគ​ ៕

ប្រភព៖ Sabay

Most Popular

To Top