អំឡុងឆ្នាំ ២០០៦ រដ្ឋាភិបាលយោធាមីយ៉ាន់ម៉ា បានប្រកាសផ្លាស់ប្តូររាជធានីចាស់នៅយុាំងហ្គូន (១៩៤៩-២០០៦) ទៅកាន់តំបន់ជនបទដាច់ស្រយាលមួយឈ្មោះថា “ណាយពិដោរ-Naypyidaw” មានចម្ងាយ ៣២០ គីឡូម៉ែត្រពីទីក្រុងចាស់ ស្ថិតនៅភាគខាងជើងប្រទេស។ ទង្វើនេះ បានធ្វើឲ្យពិភពលោកភ្ញាក់ផ្អើលជាខ្លាំង។
មូលហេតុដែលរដ្ឋាភិបាលយោធាភូមា សម្រេចចិត្តបែបនេះដោយសារ គ្រូទាយតារានិករ បង្គាប់ឲ្យធ្វើការផ្លាស់ប្តូរ។ ដោយឡែកបើយោងទៅតាមហេតុផលវិទ្យាសាស្ត្រ បានមកពីទិន្នន័យចេញផ្សាយពី ADB និងក្រសួងធនធានទឹកមីយ៉ាន់ម៉ា បានបង្ហាញឲ្យឃើញថា ទីក្រុងចាស់ (យុាំងហ្គូន) ស្ថិតនៅក្រោមកម្រិតនីវ៉ូទឹកសមុទ្រ ចាប់ពី ២,១ ម៉ែត្រ(ទាបបំផុត) និង ៥ ម៉ែត្រ(ខ្ពស់បំផុត) បណ្ដាលឲ្យទីតាំងនោះតែងតែលិចទឹកស្ទើររាល់ឆ្នាំ។
ជម្រាបជូនផងដែរថា ឈ្មោះប្រទេស “ភូមា” បានផ្លាស់ប្តូរមកជា “មីយ៉ាន់ម៉ា” នៅឆ្នាំ ១៩៨៩ ដែលទទួលស្គាល់ដោយអង្គការសហប្រជាជាតិ និងប្រទេសជាច្រើនលើពិភពលោក។ ឈ្មោះនេះបានផ្លាស់ នៅមុនមួយឆ្នាំ នៃការកើតមានការព្រឹត្តិការណ៍សម្លាប់ប្រជាពលរដ្ឋច្រើនពាន់នាក់ ដោយចលនាអ្នកស្រី អ៊ុង ស៊ាងស៊ូជី ដែលជាបក្សប្រឆាំងនឹងរបបយោធា៕ Source: Sabay
