ម៉ូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានឲ្យដឹងក្នុងកិច្ចប្រជុំជាមួយលោក Sergey Chemezov ដែលជាប្រធានសាជីវកម្មការពារជាតិរបស់រុស្ស៊ី Rostec ពីការកោតសរសើររបស់លោក ចំពោះថាមពលយន្ដហោះដ្រូន របស់រុស្ស៊ី និងជំរុញឲ្យក្រុមហ៊ុន Rostec បង្កើនការផលិត។
ទាំងយន្ដហោះដ្រូន Cube និង Lancet បានបង្ហាញលទ្ធផលដ៏មានប្រសិទ្ធភាព ជាដំបូង និងសំខាន់បំផុត វាផ្តល់នូវឥទ្ធិពលដ៏ខ្លាំងក្លា ដូច្នេះគ្មានឧបករណ៍ណាមួយ រួមទាំងម៉ូដែល ដែលផលិតពីបរទេសប៉ុណ្ណោះទេ ប៉ុន្តែវាអាចកំទេចបានទាំងអស់ ហើយក្រុមហ៊ុនផលិត បានសន្យាជាមួយលោក ពូទីន ថាពួកគេនឹងបង្កើនការផលិត។
លោក Chemezov បានកត់សម្គាល់ថា ពួកគេកំពុងរក្សាការសន្យានេះ ប៉ុន្តែយើងត្រូវបង្កើនការផលិតវាឲ្យកាន់តែខ្លាំងថែមទៀត។ ប្រទេសរុស្ស៊ី បានបង្កើនការផលិតយន្តហោះដ្រូនប្រយុទ្ធ ក្នុងចំនួនទ្វេដងក្នុងឆ្នាំ២០២២។
លោក Chemezov បានកត់សម្គាល់នៅក្នុងកិច្ចប្រជុំជាមួយលោក វ្លាឌីមៀ ពូទីន ថា “សម្រាប់ឧស្សាហកម្មយន្តហោះដ្រូន ក្រៅពីយន្តហោះយោធា និងយន្តហោះប្រយុទ្ធ ការផលិតដែលយើងបានកើនឡើងទ្វេដង កាលពីឆ្នាំមុន យើងផ្តោតការយកចិត្តទុកដាក់យ៉ាងខ្លាំងលើអាកាសចរណ៍ស៊ីវិល”៕
ប្រែសម្រួល ឈូក បូរ៉ា
