តូក្យូ ៖ កាសែត Nikkei បានរាយការណ៍ថា អត្តពលិកដែលចូលរួមព្រឹត្តិការណ៍ អូឡាំពិកឆ្នាំនេះ នៅទីក្រុងតូក្យូ អាចចាប់ផ្តើមចូល ប្រទេសជប៉ុន បន្ទាប់ពីខ្លួនបានលើកបញ្ជា ប្រកាសអាសន្ន របស់ខ្លួននៅខែក្រោយ យោងតាមការចេញផ្សាយ ពីគេហទំព័រជប៉ុនធូដេ ។
សារព័ត៌មាន Nikkei បានរាយការណ៍ថា ការប្រកាសអាសន្ន នឹងត្រូវលើកពេលនៅថ្ងៃទី ៧ ខែមីនាជាមួយនឹងបម្រាម ធ្វើដំណើរលើអត្តពលិកបរទេស ដែលត្រូវបានដកចេញភ្លាមៗ។ របាយការណ៍ បានបន្ថែមទៀតថា អត្តពលិកអូឡាំពិកនឹង មិនត្រូវបានតម្រូវ ឲ្យផ្តាច់ខ្លួន សម្រាប់រយៈពេល២សប្តាហ៍ នៅពេលមកដល់ ដើម្បីជួយពួកគេឲ្យត្រៀមខ្លួន សម្រាប់ការប្រកួត បានចាប់ផ្តើមនៅថ្ងៃទី ២៣ ខែកក្កដានោះទេ ប៉ុន្តែពួកគេត្រូវតែដាក់កម្រិត លើកន្លែងស្នាក់នៅ និងកន្លែងកីឡារបស់ពួកគេ ។
ប្រទេសជប៉ុន បានផ្អាកការលើកលែងជាបណ្តោះអាសន្ន ដែលអនុញ្ញាតឲ្យអត្តពលិកបរទេស ធ្វើការហ្វឹកហាត់នៅក្នុងប្រទេស នៅមុនព្រឹត្តិការណ៍កីឡាអូឡាំពិក នៅពេលប្រទេសនេះ បិទព្រំដែនរបស់ខ្លួន ដើម្បីទប់ស្កាត់ការកើនឡើងនូវករណី COVID-១៩ ។ មនុស្សជាង ៧.៨០០ នាក់ បានស្លាប់នៅក្នុងប្រទេសជប៉ុន ដោយសារវីរុសនេះ ខណៈមនុស្សជាង ៤៣១.០០០ នាក់បានឆ្លងជំងឺនេះ ។
កាលពីដើមខែនេះមន្រ្តីអូឡាំពិក បានបង្ហាញច្បាប់ទីមួយ នៃច្បាប់ភាគច្រើន សម្រាប់ការប្រកួតកីឡាCOVID-19 ដោយហាមឃាត់ការច្រៀង និងស្រែកក្នុងពេលព្រឹត្តិការណ៍នានានិង តម្រូវឲ្យអ្នកចូលរួមពាក់ម៉ាស នៅគ្រប់ពេលលើកលែង តែពេលបរិភោគ ការគេង ឬនៅខាងក្រៅ ។ តាមរបាយការណ៍ Nikkei បាននិយាយថា មនុស្សជាង ៧ ម៉ឺននាក់រួមទាំងអត្តពលិកគ្រូបង្វឹក និងអ្នកតំណាងសារព័ត៌មាន ត្រូវបានរំពឹងថា នឹងចូលប្រទេសជប៉ុនសម្រាប់ព្រឹត្តិការណ៍ កីឡាមួយនេះ ៕ដោយ៖លី ភីលីព
