The Goal ចេញផ្សាយនៅថ្ងៃសៅរ៍នេះ បានឲ្យដឹងថាកីឡាករ Carlos Tevez វ័យ៣៧ឆ្នាំទីបំផុតបានសម្រេចចិត្តក្នុងការចាកចេញ ពីក្លឹប Boca Junior ហើយទោះបីជាកុងត្រា របស់គាត់នៅសល់យ៉ាងហោចណាស់ ៦ខែទៀតក្តី។
អតីតកីឡាកររបស់ក្លឹបបិសាចក្រហម Man UTD និងមេឃខៀវ Man City រូបនេះបាននិយាយាថាមួយរយៈចុងក្រោយនេះ ខ្ញុំគ្មានអារម្មណ៍ក្នុងការលេងបាល់នោះទេ ប៉ុន្តែក៏គ្មានបំណង ចូលនិវត្តន៍នៅឡើយដែរ។ខ្ញុំគ្រាន់តែចង់បានពេលវេលាខ្លះយ៉ាងហោចណាស់ ៣ខែដើម្បីសម្រាកហើយខ្ញុំនឹងត្រឡប់មកប្រកួតវិញ។
គួរឲ្យដឹងដែរថា Tevez បានចូលរួមជាមួយ នឹងក្លឹប Boca Junior ម្តងហើយកាលពីឆ្នាំ២០១៦ពីក្លឹប Juventus ក្រោយទទួលបាន ស្នាដៃជាច្រើននៅក្នុងតំបន់អ៊ឺរ៉ុបប៉ុន្តែក៏បានផ្ទេរទៅលេងនៅលីគ ចិនមួយរយៈមុនពេលត្រឡប់មក Boca ម្តងទៀតនៅឆ្នាំ២០១៨៕
ប្រែសម្រួល៖ស៊ុនលី