ក្លឹប Manchester United បានបញ្ជាក់ថា អ្នកគាំទ្រចង់ប្ដូរអាវរបស់ពួកគេដែលមានឈ្មោះ Mason Greenwood គឺអាចមកប្ដូរបានដោយគ្មានការគិតថ្លៃ។
ខ្សែបម្រើប្រយុទ្ធវ័យ២០ឆ្នាំត្រូវបានចាប់ខ្លួនដោយសង្ស័យពីបទ ប្រើហិង្សា រំលោភផ្លូវភេទ និងគំរាមសម្លាប់។ មន្ត្រីប៉ូលិសទីក្រុង Manchester បានឃុំខ្លួន Greenwood រយៈពេល៣ថ្ងៃ ហើយទើបតែដោះលែងឲ្យនៅក្រៅឃុំនាពេលថ្មីៗនេះឯង។
អ្នកតំណាងរបស់ក្លឹប Man United បានបញ្ជាក់ថា អ្នកគាំទ្រនឹងអាចប្ដូរអាវបច្ចុប្បន្នរបស់ពួកគេដែលមានឈ្មោះ Greenwood ដើម្បីយកអាវថ្មីជាមួយឈ្មោះកីឡាករផ្សេងៗនៅខាងក្រោយអាវ។ ការសម្រេចបែបនេះ ដោយសារតែអ្នកគាំទ្រជាច្រើនបានទាមទារចង់ប្ដូរអាវ ក្រោយ Greewood ត្រូវបានចាប់ខ្លួនភ្លាមៗ៕ Source: Sabay
