កីឡា

Joe Cole ជឿជាក់ថា Lukaku នៅសល់ពេលប៉ុន្មានសប្តាហ៍ទៀត ដើម្បីរក្សាឱកាសនៅ Chelsea

The Goal នៅថ្ងៃនេះ បានចេញផ្សាយថាកីឡាករខ្សែប្រយុទ្ធប៊ែលហ្ស៊ិក Romelu Lukaku នឹងអាចនៅសេសសល់ ពេលវេលាតិចតួចទៀតប៉ុណ្ណោះ ក្នុងការបង្ហាញសមត្ថភាពថា រូបគាត់អាចបន្តស្នាក់នៅ ជាមួយនឹងទឹកដី Stamford Bridge បន្ថែមទៀត។

ការលើកឡើងដែលត្រូវបានធ្វើឡើងដោយ អតីតកីឡាករខ្សែប្រយុទ្ធឆ្នើមរបស់ក្លឹបលោក Joe Cole បានបញ្ជាក់ថាកីឡាករ Lukaku នឹងអាចសល់ពេលវេលាត្រឹមតែ ៦សប្តាហ៍ប៉ុណ្ណោះដើម្បី បន្តអាជីពជាមួយ នឹងតោខៀវ Chelsea ។

តារាឆ្នើមរបស់ប៊ែលហ្ស៊ិករូបនេះ បានផ្ទេរមកចូលរួមជាមួយនឹង Chelsea ទើបតែកាលពីឆ្នាំទៅប៉ុណ្ណោះ ប៉ុន្តែមិនអាចបង្ហាញទំរង់លេងល្អដូចកាលគ្រា ដែលនៅជាមួយនឹង Inter Milan នោះទេនិងកំពុងបាត់បង់ឱកាស ក្នុងការបង្ហាញខ្លួនបន្តិចៗម្តងជាមួយនឹងក្លឹប។

មកដល់ពេលនេះកីឡាកររូបនេះ បានបង្ហាញខ្លួនត្រឹមតែ២០ដងប៉ុណ្ណោះ ជូនក្រុមក្នុងការប្រកួតនៅលីគកំពូល អង់គ្លេសនិងរកបានត្រឹមតែ៥គ្រាប់ ហើយប៉ុន្មានសប្តាហ៍ចុងក្រោយនេះ គឺមិនអាចបង្ហាញខ្លួនក្នុង នាមជាកីឡាករ១១នាក់ដំបូងឡើយ៕

ប្រែសម្រួល៖ស៊ុនលី

Most Popular

To Top