វិរៈបុរសរបស់ក្លឹប Juventus លោក Marco Tardelli កាលពីថ្ងៃម្សិលមិញនេះ បានធ្វើការលើកឡើងអំពីកីឡាករ Paul Pogba ដែលកំពុងទទួល រងរបួសនោះពេលនេះគឺ ជាបញ្ហាពិតប្រាកដ របស់ក្លឹបនាពេលបច្ចុប្បន្ន ។
កីឡាករបារាំងរូបនេះ បានចុះកុងត្រារយៈពេល៤ឆ្នាំ ដើម្បីត្រឡប់មកចូលរួមក្លឹប Juventus វិញពីក្លឹប Man UTD កាលពីរដូវកាលកន្លងមក ប៉ុន្តែមិនអាចបង្ហាញទំរង់លេងល្អដូចកាលពីលើកដំបូងឡើយ ហើយបានបន្តរង របួសជាប់រហូតមក។
អតីតកីឡាករ របស់ក្លឹបលោក Tardelli រូបនេះបានបន្តថា៖ជាការពិតណាស់ Pogba មិនអាចបង្ហាញ ខ្លួនបានឡើយ ចាប់តាំងតែពីថ្ងៃទី២២ ខែមេសា ហើយពេលនេះ គាត់នៅតែជាបញ្ហា សម្រាប់ក្លឹបដដែល ទោះបីជាបានវិលត្រឡប់ចូលក្នុង បញ្ជីរបស់ក្លឹបជម្រើស១១ដំបូង ក្តីហើយចាំបាច់ក្លឹបត្រូវតែដោះស្រាយ ឲ្យបានឆាប់បំផុតចេញពីបញ្ជី ទូទាត់សម្រាប់ប្រាក់កម្រៃកីឡាករ៕
ប្រែសម្រួល៖ស៊ុនលី
