បច្ចេកវិទ្យា

Toyota បង្ហាញ​ចេញ​គំរូឡាន អគ្គិសនី២ ម៉ូឌែល​ រូបរាងទំនើបណាស់

ក្រុមហ៊ុន Toyota បាន​បញ្ចេញ​គំរូ ​រថយន្ត​អគ្គិសនី​ចំនួន២ម៉ូឌែល ក្នុងពិព័រណ៌យានយន្ត​ Auto Shanghai នៅថ្ងៃទី១៨ ខែមេសា ឆ្នាំ​២០២៣នេះ គឺ bZ Sport Crossover Concept និង bZ FlexSpace Concept។

ម៉ូឌែល​ទាំងពីរនេះ ជា​ត្រកូល bZ ដែល​​នឹង​ត្រូវដាក់ក្នុងទីផ្សារ​ប្រទេសចិន ក្នុងឆ្នាំ​២០២៤។ វាក៏ស្ថិតក្នុងចំណោម​​រថយន្ត​ ១០ម៉ូឌែល ដែល Toyota គ្រោងនឹង​បញ្ចេញ​នៅឆ្នាំ​២០២៦​ផងដែរ។

សម្រាប់​រថយន្ត bZ Sport Crossover Concept ត្រូវបាន​អភិវឌ្ឍ​រួមគ្នាដោយ​ក្រុមហ៊ុន Toyota និង BYD Toyota EV Technology។ វា​នឹង​បំពាក់​ជាមួយ​មុខងារ​វៃឆ្លាត​ជាច្រើន ដោយរួមមានទាំង​មុខងារ​ជំនួយ​អ្នកបើកបរ និង​ចូលចត​ស្វ័យប្រវត្តិផងដែរ ។

ចំណែក​រថយន្ត bZ FlexSpace Concept ត្រូវបាន​អភិវឌ្ឍ​រួមគ្នា​ដោយ Toyota, Guangzhou Automobile Group, GAC Toyota Motor និង TMEC។ វា​មាន​ភាពធំទូលាយ ផាសុកភាព ប្រព័ន្ធសុវត្ថិភាព​ខ្ពស់ និង​មុខងារ​វៃឆ្លាតផ្សេងៗ៕

Most Popular

To Top