ប៉ារីស ៖ លោក Elon Musk បានចំណាយពេលចុងសប្តាហ៍ធ្វើឲ្យអ្នកប្រើប្រាស់ Twitter កាន់តែប្លែកភ្នែកជាមួយនឹងការផ្លាស់ប្តូរយ៉ាងខ្លាំង ចំពោះប្រព័ន្ធផ្សព្វផ្សាយសង្គមយក្ស ហើយលោកកំពុងប្រឈមមុខនឹងបញ្ហាប្រឈមថ្មីមួយ នៅពេលភាពមិនច្បាស់លាស់ខាងបច្ចេកវិទ្យា ដូចផ្តល់ឱកាសឲ្យលោក Mark Zuckerberg រៀបចំដាក់ឲ្យដំណើរការកម្មវិធីគូប្រជែងក្នុងសប្តាហ៍នេះដែរ។
ក្រុមការងារ Meta របស់លោក Zuckerberg ដែលជាម្ចាស់ Facebook បានចុះបញ្ជីកម្មវិធីថ្មីលើ Stores “Threads ជាកម្មវិធី Instagram” អាចរកបានសម្រាប់ការបញ្ជាទិញជាមុនក្នុងសហរដ្ឋអាមេរិក ជាមួយនឹងសារដែលនិយាយថា វាត្រូវបាន “រំពឹងទុក” នៅថ្ងៃព្រហស្បតិ៍នេះ។
បុរសទាំង ២ នាក់នេះបានប៉ះទង្គិចគ្នាអស់ជាច្រើនឆ្នាំ ប៉ុន្តែការអត្ថាធិប្បាយថ្មីៗដោយនាយកប្រតិបត្តិ Meta ស្នើថា Twitter មិនត្រូវបានដំណើរការដោយចេតនា ធ្វើឲ្យ Musk ខឹងនោះទេ នៅទីបំផុតនាំឲ្យបុរសទាំង ២ នាក់ផ្តល់ជូនគ្នាទៅវិញទៅមកសម្រាប់ការប្រយុទ្ធក្នុងទ្រុង។
ចាប់តាំងពីការទិញ Twitter កាលពីឆ្នាំមុនក្នុងតម្លៃ ៤៤ ពាន់លានដុល្លារ លោក Musk បានបណ្តេញបុគ្គលិករាប់ពាន់នាក់ និងគិតប្រាក់ពីអ្នកប្រើប្រាស់ ៨ដុល្លារក្នុងមួយខែដើម្បីឲ្យមានសញ្ញាធីកពណ៌ខៀវ និងគណនី “ផ្ទៀងផ្ទាត់” ។
នៅចុងសប្តាហ៍ លោកបានកំណត់ការបង្ហោះ អ្នកទស្សនាអាចមើល និងសម្រេចថាគ្មាននរណាម្នាក់អាចមើល Tweet បានទេ លុះត្រាតែពួកគេចូល មានន័យថាតំណភ្ជាប់ខាងក្រៅលែងដំណើរការសម្រាប់មនុស្សជាច្រើន។
លោកបាននិយាយថា លោកត្រូវការបញ្ឈប់ម៉ាស៊ីនមេបន្ថែម ដើម្បីទប់ទល់នឹងតម្រូវការនៅពេលក្រុមហ៊ុនបញ្ញាសិប្បនិមិត្ត (AI) បានដកទិន្នន័យកម្រិតខ្លាំងដើម្បីបណ្តុះបណ្តាលគំរូរបស់ពួកគេ។
ប៉ុន្តែអ្នកអត្ថាធិប្បាយបានមើលងាយគំនិតនោះ ហើយអ្នកជំនាញផ្នែកទីផ្សារនិយាយថា លោកបានធ្វើឲ្យដាច់ឆ្ងាយពីមូលដ្ឋានអ្នកប្រើប្រាស់ និងអ្នកផ្សាយពាណិជ្ជកម្មដែលលោកត្រូវការដើម្បីទទួលបានប្រាក់ចំណេញវិលជុំ។
ការផ្លាស់ប្តូរមួយផ្សេងទៀតដែលធ្វើឲ្យអ្នកប្រើប្រាស់ភ្ញាក់ផ្អើលនោះ Twitter បានប្រកាសកាលពីថ្ងៃចន្ទថា ការចូលទៅកាន់ TweetDeckជាកម្មវិធីដែលធ្វើឲ្យអ្នកប្រើប្រាស់ត្រួតពិនិត្យគណនីជាច្រើនក្នុងពេលតែមួយ នឹងត្រូវកំណត់ចំពោះគណនីដែលបានផ្ទៀងផ្ទាត់នៅខែក្រោយ។
លោក John Wihbey សាស្ត្រាចារ្យរងផ្នែកនវានុវត្តន៍ និងបច្ចេកវិទ្យាប្រព័ន្ធផ្សព្វផ្សាយនៅសាកលវិទ្យាល័យ Northeastern បានប្រាប់ AFP ថាមនុស្សជាច្រើនចង់ចាកចេញពី Twitter សម្រាប់ហេតុផលសីលធម៌បន្ទាប់ពី Musk បានចូលកាន់តំណែង ប៉ុន្តែឥឡូវនេះគាត់បានផ្តល់ហេតុផលបច្ចេកទេសឱ្យពួកគេចាកចេញផងដែរ៕ ដោយ៖លី ភីលីព
