The Goal ចេញផ្សាយនៅថ្ងៃនេះ បានសរសេរថាកីឡាករ Evan Ndicka អស់រយៈពេលជាច្រើនរដូវកាលកន្លងមកនេះ បានបង្ហាញទំរង់លេងយ៉ាងល្អឲ្យក្លឹប Frankfurt ប៉ុន្តែកុងត្រារបស់គាត់កាន់តែខិតជិត ដល់ទីបញ្ចប់ហើយនៅត្រឹមចុងរដូវកាលនេះ។
ប៉ុន្មានសប្តាហ៍ចុងក្រោយនេះ មានព័ត៌មានជាច្រើនបានចេញផ្សាយថា កីឡាករខ្សែការពារឆ្នើមរបស់ក្លឹបអាល្លឺម៉ង់រូបនេះ កំពុងត្រូវបានក្លឹបធំៗជាច្រើនតាមទាក់ទង និងចរចារួចទៅហើយ ប៉ុន្តែដោយសារតែកីឡាករ មិនទាន់យល់ព្រមនិងសម្រេចចិត្ត។
ក្រៅតែពីក្លឹបនៅអេស្បាញដូចជា Sevilla ហើយនោះកីឡាករ ខ្សែការពារអន្តរជាតិបារាំងរូបនេះ ក៏កំពុងត្រូវបានទទួលការចាប់អារម្មណ៍យ៉ាងខ្លាំង ពីសំណាក់ក្លឹបអង់គ្លេស West Ham ផងដែរប៉ុន្តែពួកគេនឹងត្រូវរងចាំ រហូតដល់ចប់រដូវកាល ឬមានន័យថានៅក្នុងទិផ្សារដោះដូរកីឡាករដូវក្តៅក្រោយ៕ ប្រែសម្រួល៖ស៊ុនលី
