Paris Saint-Germian ត្រូវបានគេមើលឃើញថា ជាក្រុមឈាមមុខគេក្នុងការប្រជែង ចុះកុងត្រាយក Lionel Messi ក្រោយចាកចេញពី Barcelona។
យ៉ាងណាក្ដី ពេលនេះ Manchester United កំពុងតែសម្លឹង រកការចង់បាន Messi ដោយហ៊ានផ្ដល់កុងត្រារយៈពេល២ឆ្នាំ ជាមួយថ្លៃពលកម្ម៦៧២ ០០០អឺរ៉ូក្នុងមួយសប្ដាហ៍។
ប្រភពពី The Sun បានសរសេរថា បិសាចក្រហមកំពុងរៀបចំ សំណើរមួយ សម្រាប់ Messi ក្នុងគោលបំណងប្រជែង ជាមួយ PSG ។ ប៉ុន្មានថ្ងៃចុងក្រោយនេះ ស្ទើរតែគ្រប់សារព័ត៌មាន បានចុះផ្សាយ Messi នឹងទៅចូលរួមជាមួយ PSG ដែលមានមិត្តរួមជាតិ Di Maria, Paredes និងមិតភ័ក្ដ Neymar នៅទីនោះ។
ងាកមកមើល United នៅរដូវក្ដៅនេះ បានបង្ហាញមហិច្ឆតា មិនធម្មតាដោយទើបទិញបាន Jadom Sancho ពី Dortmund និង Varane ពី Real Madrid។ ប្រសិនពួកគេយកបាន Messi មែន រដូវកាលថ្មី Man Utd នឹងក្លាយជាក្រុមដែលគួរឲ្យខ្លាច ៕
