អាមេរិក ៖ តារាចម្រៀងប៉ុបអង់គ្លេស នាង Dua Lipa បានដាក់ពាក្យបណ្តឹងប្រឆាំងនឹងក្រុមហ៊ុនបច្ចេកវិទ្យាយក្ស កូរ៉េខាងត្បូង Samsung Electronics ដោយចោទប្រកាន់ក្រុមហ៊ុននេះថា បានប្រើប្រាស់រូបភាពរបស់នាងនៅលើកេះទូរទស្សន៍ដោយគ្មានការអនុញ្ញាត និងទាមទារសំណងចំនួន ១៥ លានដុល្លារអាមេរិក យោងតាមការចេញផ្សាយពីគេហទំព័រ VN Express ។
យោងតាម Variety បានចេញផ្សាយថា ពាក្យបណ្តឹងនេះ ត្រូវបានដាក់នៅថ្ងៃទី ៨ ខែឧសភា នៅតុលាការស្រុកសហរដ្ឋអាមេរិក សម្រាប់ស្រុកកណ្តាល នៃរដ្ឋកាលីហ្វ័រញ៉ា។ ពាក្យបណ្តឹងនេះដាក់ឈ្មោះទាំង Samsung Electronics និង Samsung Electronics America ជាចុងចោទ។
ពាក្យបណ្តឹងនេះចោទប្រកាន់ថា Samsung បានចាប់ផ្តើមប្រើប្រាស់រូបភាព របស់នាង Lipa នៅលើកេះក្រដាសកាតុង សម្រាប់ទូរទស្សន៍របស់ខ្លួន កាលពីឆ្នាំមុនដោយគ្មានការយល់ព្រមពីនាង ។ ពាក្យបណ្តឹងនេះបានបញ្ជាក់ថា បន្ទាប់ពីបានដឹងអំពីការប្រើ ប្រាស់ត្រូវបានចោទប្រកាន់នាង Lipa បានស្នើសុំឲ្យក្រុមហ៊ុនឈប់បង្ហាញរូបភាពនេះ ប៉ុន្តែ Samsung បានបដិសេធ ហើយបានឆ្លើយតបដោយ “មិនអើពើ និងគ្មានមេត្តា”។
ពាក្យបណ្តឹងនេះចោទប្រកាន់ ពីការរំលោភបំពានផ្លូវច្បាប់ជាច្រើន រួមទាំងការរំលោភបំពានច្បាប់រក្សាសិទ្ធិ ការរំលោភលើសិទ្ធិផ្សព្វផ្សាយ របស់រដ្ឋកាលីហ្វ័រញ៉ា ការទាមទារច្បាប់ Lanham សហព័ន្ធ និងបទល្មើសទាក់ទងនឹងពាណិជ្ជសញ្ញា។
ពាក្យបណ្ដឹងបានបញ្ជាក់ថា មុខ របស់នាង Lipa ត្រូវបានគេប្រើប្រាស់យ៉ាងលេចធ្លោ សម្រាប់យុទ្ធនាការទីផ្សារទ្រង់ទ្រាយធំ មួយសម្រាប់ផលិតផលប្រើប្រាស់ដោយគ្មានចំណេះដឹង គ្មានការពិចារណា និងដែលអ្នកស្រីគ្មានសិទ្ធិនិយាយ ការគ្រប់គ្រង ឬការចូលរួមអ្វីទាំងអស់។នាង Lipa មិនបានអនុញ្ញាត ហើយក៏មិនអនុញ្ញាតឲ្យមានការប្រើប្រាស់នេះដែរ៕
