ក្រុមហ៊ុនមេ ByteDance ដែលមានផលិតផលល្បីល្បាញគឺ TikTok ត្រូវបានគេដឹងថា ទិញយកក្រុមហ៊ុនឯកទេសផលិត VR មួយឈ្មោះថា «Pico» ក្នុងតម្លៃប្រភពព័ត៌មានមិនបញ្ជាក់ តែគេប៉ាន់ស្មានថាខ្ទង់ជាង ៦០លានដុល្លារកាលពីខែមុន។
Pico គឺជាក្រុមហ៊ុនឯកទេសផលិតទាំង Software និង Hardware សម្រាប់បំពាក់លើឧបករណ៍ VR ។ADVERTISING
មកទល់ពេលនេះក្រុមហ៊ុនចិនមាន Pico និង Oculus ក៏កំពុងនឹងធ្វើការអភិវឌ្ឍពិភព virtual reality ឲ្យកាន់តែប្រសើរឡើង។
បច្ចុប្បន្នក្រុមហ៊ុនធំៗងាកមកចាប់អារម្មណ៍បង្កើតពិភពសិប្បនិម្មិតដូចជា ក្រុមហ៊ុន Facebook និង Microsoft កំពុងតែចាប់ផ្ដើមបង្កើត Metaverse ដែលជាពិភពសិប្បនិម្មិត ហើយអាចឲ្យយើងចូលលេង ទីនោះបាន ដូចជាការលេងហ្គេម VRChat ។
ប្រព័ន្ធ Metaverse របស់ Facebook អាចនឹងជួយឲ្យអ្នកទទួលបានបទពិសោធន៍ធ្វើដំណើរទៅ ពិភពខាងក្រៅ ដោយប្រើប្រាស់ VR និងកម្មវិធី Software។
ដោយឡែក កម្មវិធី TikTok ទទួលបានការគាំទ្រយ៉ាងខ្លាំងសព្វថ្ងៃមានចំនួនអ្នកលេងជាប្រចាំថ្ងៃ ដល់ទៅ ១ លាននាក់ (active users) ទូទាំងពិភពលោក។
TikTok ក៏កំពុងពង្រីកសេវាកម្ម និងមុខងារថ្មីៗ ជាបន្តបន្ទាប់ ដើម្បីបម្រើជូនអ្នកប្រើប្រាស់ឲ្យទទួលបានបទពិសោធន៍ថ្មីៗបន្ថែមទៀត៕
ប្រភព៖ sabay
