បច្ចេកវិទ្យា

យានអវកាស Tianzhou 4 របស់ប្រទេសចិន ត្រៀមត្រឡប់មកផែនដីវិញហើយ

ចិន៖ នេះបើយោងតាមទីភ្នាក់ងារអវកាសចិន Manned Space Agency បានប្រាប់ឲ្យដឹងថា យានអវកាសដឹកទំនិញ Tianzhou 4 របស់ប្រទេសចិន បានចាកចេញពីស្ថានីយអវកាស Tiangong កាលពីរសៀលថ្ងៃពុធ ។

ទីភ្នាក់ងារនេះ បាននិយាយសម្រាប់ការចេញផ្សាយខ្លីមួយថា យានមនុស្សយន្តបានចតចេញពី Tiangong នៅម៉ោង ២:៥៥ ព្រឹក ហើយនឹងត្រូវបានដឹកនាំ ដោយអ្នកត្រួតពិនិត្យដីត្រឡប់ទៅផែនដីវិញ ក្នុងពេលកំណត់។ យន្តត្រូវបានបាញ់បង្ហោះនៅថ្ងៃទី ១០ ខែឧសភា ពីមជ្ឈមណ្ឌលបង្ហោះយានអវកាស Wenchang ក្នុងខេត្ត Hainan យាន Tianzhou 4 បានចតជាមួយ Tiangong ក្នុងគន្លងផែនដីទាប មានចម្ងាយប្រហែល ៤០០ គីឡូម៉ែត្រក្រោយមកនៅថ្ងៃនោះ។

ដោយផ្ទុកនូវឧបករណ៍ជំរុញ និងសម្ភារៈជិត ៦ តោន រួមទាំងកញ្ចប់ជាង ២00 យានអវកាសត្រូវបានផ្តល់ភារកិច្ចគាំទ្រ ដល់បេសកកម្ម Shenzhou XIV ក្នុងអំឡុងពេលដែលនាវិកមានសមាជិក ៣ នាក់គ្រោងនឹងចំណាយពេល ៦ ខែនៅខាងក្នុងស្ថានីយអវកាស។

នាវិកបេសកកម្មមកទល់ពេលនេះ បានចំណាយពេលជាង៥ខែ នៅលើស្ថានីយ៍។ Tianzhou 4 គឺជាកប៉ាល់ដឹកទំនិញទីបីដែលបានភ្ជាប់ជាមួយ Tiangong បន្ទាប់ពី Tianzhou 2 និង 3 ។ ត្រូវបានរចនាឡើង ដើម្បីដំណើរការលើសពីមួយឆ្នាំ យានអវកាសដឹកទំនិញ Tianzhou នីមួយៗមានពីរផ្នែក គឺកាប៊ីនដឹកទំនិញ និងផ្នែកជំរុញ។ យានជំនិះមានប្រវែង ១0.៦ ម៉ែត្រ និងទទឹង ៣.៣៥ ម៉ែត្រ។

យានដឹកទំនិញមានទម្ងន់ ១៣.៥ តោន និងអាចដឹកជញ្ជូនបានរហូតដល់ ៦.៩ តោននៃការផ្គត់ផ្គង់ ទៅកាន់ស្ថានីយអវកាស។ បច្ចុប្បន្ន ស្ថានីយ Tiangong មានម៉ូឌុលស្នូល ដែលម៉ូឌុលមន្ទីរពិសោធន៍២ និងយានអវកាស ប្រើសម្រាប់ដឹកជញ្ជូនអវកាសយានិក៕ ដោយ៖លីភីលីព

Most Popular

To Top