ប៉េកាំង៖ ខ្លាឃ្មុំផេនដាយក្ស Mei Xiang, Tian Tian និងកូន របស់ពួកគេឈ្មោះ Xiao Qi Ji បានមកដល់អាកាស យានដ្ឋានអន្តរជាតិ Chengdu Shuangliu ក្នុងខេត្តស៊ីឈួន ភាគនិរតី នៃប្រទេសចិន កាលពីយប់ថ្ងៃព្រហស្បតិ៍ បន្ទាប់ពីបញ្ចប់ការស្នាក់នៅ ក្នុងសហរដ្ឋអាមេរិក ។
យន្តហោះដឹកអ្នកដំណើរ FedEx Express Boeing 777 ដែលមានរូបភាពខ្លាឃ្មុំផេន ដាដ៏ធំសម្បើមដែល លាបនៅខាងក្រៅ កាប៊ីនយន្តហោះបានចុះចត នៅអាកាសយាន ដ្ឋាននៅម៉ោង ១១ និង ១៣នាទី យប់ថ្ងៃព្រហស្បត្តិ៍ ស្វាគមន៍ដោយអ្នកថែរក្សាខ្លាឃ្មុំផេនដាយក្សមក ពីមជ្ឈមណ្ឌលអភិរក្ស និងស្រាវជ្រាវចិន សម្រាប់ខ្លាឃ្មុំផេនដាយក្ស។
បន្ទាប់ពីការត្រួតពិនិត្យនៅនឹងកន្លែងដោយបុគ្គលិកគយនៅអាកាសយានដ្ឋាន ខ្លាឃ្មុំផេនដាកំពុងធ្វើដំណើរទៅកាន់កន្លែងដាក់ឱ្យនៅដាច់ពីគេនៅឯមូលដ្ឋានខ្លាឃ្មុំផេនដាដ៏ធំ Shenshuping ក្នុងតំបន់អភិរក្សធម្មជាតិជាតិ Wolong ក្នុងទីក្រុងស៊ីឈួន ដែលមានចម្ងាយប្រហែល ១៣០ គីឡូម៉ែត្រពីទីក្រុងឆឹងទូ។
យោងតាមអ្នកថែរក្សា ខ្លាឃ្មុំផេនដាយក្សនេះ ស្ថិតក្នុងស្ថានភាពល្អ បន្ទាប់ពីហោះហើររយៈពេលយូរ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
ខ្លាឃ្មុំយក្ស Meixiang, Tiantian និង Xiao Qi Ji បានចាកចេញពីទីក្រុង វ៉ាស៊ីនតោនឌីស៊ី នៅថ្ងៃពុធ ម៉ោងក្នុងស្រុក។ ពួកគេត្រូវបានគេដាក់ក្នុងប្រអប់ទ្រង់បិទជិតចំនួន៣ ដែលនីមួយៗ មានទម្ងន់ប្រហែល ៣៦០ គីឡូក្រាម។
អ្នកថែរក្សាខ្លាឃ្មុំផេនដាយក្ស ៣នាក់មកពីសួនសត្វជាតិ Smithsonian ដែលជាកន្លែងដែលខ្លាឃ្មុំផេន ដាយក្សបានស្នាក់នៅនោះ បានអមដំណើរពួកគេនៅលើយន្តហោះ។ សម្ភារប្រើប្រាស់រួមមាន ឫស្សី ទឹកផឹក និងផ្លែប៉ោម១០០គីឡូក្រាមក៏ត្រូវបានផ្ទុកឡើង លើយន្តហោះសម្រាប់ឱ្យខ្លាឃ្មុំផេន ដាបរិភោគផងដែរ ៕
ប្រែសម្រួល ឈូក បូរ៉ា
