ព័ត៌មានអន្តរជាតិ
ប្រភពដើមរបស់មនុស្សត្រូវបានសរសេរឡើងវិញ បន្ទាប់ពីការរកឃើញ DNA ដ៏សំខាន់
អាមេរិក៖ យោងតាមការចេញផ្សាយពីគេហទំព័រ Daily Mail បានប្រាប់ឲ្យដឹងថា អស់រយៈពេលជាច្រើនទសវត្សរ៍មកហើយ អ្នកវិទ្យាសាស្ត្រជឿថា មនុស្សសម័យទំនើបបានមកពីក្រុមបុព្វបុរសសំខាន់មួយនៅទ្វីបអាហ្វ្រិក ដែលជាគំនិតមួយ ត្រូវគេស្គាល់ថា ជាគំរូ ‘ចេញពីទ្វីបអាហ្វ្រិក’។ ប៉ុន្តែការស្រាវជ្រាវ DNA ថ្មីបានបង្ហាញថា រឿងរ៉ាវនេះអាចស្មុគស្មាញជាងនេះទៅទៀត។ ជំនួសឲ្យការមកពីក្រុមឯកោតែមួយ មនុស្សដំបូងៗទំនងជាវិវត្តចេញពីក្រុមជាច្រើន ដោយបានរីករាលដាលពាសពេញទ្វីបអាហ្វ្រិកដែលមានទាក់ទងគ្នា និងលាយឡំគ្នាអស់រយៈពេលរាប់រយរាប់ពាន់ឆ្នាំ។ អ្នកវិទ្យាសាស្ត្រដឹកនាំដោយអ្នកស្រាវជ្រាវនៅសាកលវិទ្យាល័យកាលីហ្វ័រញ៉ា-ដាវីស បានឈានដល់ការសន្និដ្ឋាននេះដោយការសិក្សាអំពី...
